இங்கிலாந்து மற்றும் தென்னாபிரிக்க அணிகளுக்கு இடையிலான 3வது டெஸ்ட் போட்டியின் இறுதி நாள் ஆட்டம் இன்று இடம்பெறவுள்ளது.
போட்டியில் பலோவன் முறையில் தமது இரண்டாவது இன்னிங்ஸிற்காக துடுப்பாடி வரும் தென்னாபிரிக்க அணி நேற்றைய 4 ஆம் நாள் ஆட்டம் நிறைவின் போது 6 விக்கட்டுக்களை இழந்து 102 ஓட்டங்களை பெற்றிருந்தது.
போட்டியில் முதலில் தமது முதலாவது இன்னிங்ஸிற்காக துடுப்பாடிய இங்கிலாந்து அணி 499 ஓட்டங்களை பெற்று 9 விக்கட்டுக்களை இழந்திருந்த நிலையில் ஆட்டத்தை இடைநிறுத்திக் கொண்டது.
அதன் பின்னர் தமது முதலாவது இன்னிங்ஸிற்காக துடுப்பாடிய தென்னாபிரிக்க அணி சகல விக்கட்டுக்களையும் இழந்து 209 ஓட்டங்களை மாத்திரம் பெற்றமை குறிப்பிடத்தக்கது.
