உபகரணங்கள் எதுவும் இல்லாமல் கட்டிடங்களில் ஏறி ஒரு கட்டிடத்திலிருந்து மற்றொரு கட்டிடத்திற்கு தாவும் விளையாட்டை விளையாடுபவர் ஈரானின் Alireza Japalaghy(28).
அப்படி ஏறும் உயரமான கட்டிடங்களின் உச்சியில், அபாயகரமான கோணத்தில் நின்றபடியும், படுத்தபடியும் பெண் ஒருவரை முத்தமிட்டுள்ளார் Japalaghy.
அந்த காட்சிகள் அடங்கிய புகைப்படங்களும் வீடியோக்களும் கடந்த வாரம் சமூக ஊடகங்களில் வெளியாகின.
டெஹ்ரான் சைபர் பொலிசார் Japalaghyயைக் கைது செய்துள்ளதாக தெரிவித்துள்ளனர்.
கடும் கட்டுப்பாடுகள் கொண்ட நாடான ஈரானில் ஆபாசமாக நடந்துகொண்டதற்காக அவர் கைது செய்யப்பட்டுள்ளதாக பொலிசார் தெரிவித்துள்ளனர்.
அத்துடன், பெண்களைப் பொருத்தவரை அவர்கள் தங்கள் முகம், கைகள் மற்றும் பாதங்கள் தெரியும் வகையில் மட்டுமே உடையணியலாம் என்பதால், Japalaghyயுடன் இருந்த அந்த பெண்ணும் விரைவில் கைது செய்யப்பட இருக்கிறார்.
