ஐபிஎல் தொடருக்கான பயிற்சியின் போது, டோனி சிக்ஸர் அடித்த வீடியோ சென்னை அணி தன்னுடைய டுவிட்டர் பக்கத்தில் பதிவிட்டுள்ளது.
இந்தியாவில் ஒவ்வொரு ஆண்டும் நடைபெற்று வந்த ஐபிஎல் தொடர், இந்த ஆண்டு கொரோனா பரவல் காரணமாக ஐக்கிய அரபு அமீரகத்தில் அடுத்த மாதம் நடைபெறவுள்ளது.
இதற்காக வீரர்கள் சில நாட்களுக்கு முன்பே பயிற்சியை துவங்கினர். அதில் சென்னை அணியை சேர்ந்த வீரர்கள் பயிற்சிக்காக சென்னை வந்தனர்.
அந்த நேரத்தில் டோனி சர்வதேச போட்டிகளில் இருந்து தன்னுடைய ஓய்வை அறிவித்தார். ஏற்கனவே டோனியைப் பற்றி எந்த ஒரு வீடியோ போட்டாலும், அது வைரலாகிவிடும்.
இப்போது அவர் ஓய்வை அறிவித்துள்ளதால், அவரைப் பற்றி என்ன கிடைக்கும் என்று ரசிகர்கள் காத்து கொண்டிருந்த நிலையில், சென்னை அணி தன்னுடைய டுவிட்டர் பக்கத்தில் டோனி இறங்கி வந்து சிக்ஸர் அடித்த வீடியோவை பதிவிட்டுள்ளது.
டோனி சிக்ஸர் அடித்தவுடன் ரெய்னா விசில் அடித்து பாராட்டுகிறார். அந்த வீடியோவை ரசிகர்கள் அதிகம் பகிர்ந்து வருகின்றனர்.
https://twitter.com/ChennaiIPL/status/1296748670067466240
