உலக நாடுகள் அனைத்திலும் வாழுகின்ற தமிழர்களால் வெகு விமர்சையாக கொண்டாடப்படும் தைப்பொங்கல் இலங்கையிலும் இன்றையதினம் (14-01-2025) கொண்டாடப்பட்டு வருகின்றது.
இதன்படி, மலையக மக்கள் சமய வழிபாட்டுக்கு முக்கியத்துவம் கொடுத்து தை பொங்கல் பண்டிகையை கோலாகலமாக கொண்டாடி வருகின்றனர்.
ஹட்டன் ஸ்ரீ மாணிக்கப்பிள்ளையார் ஆலயத்தின் பிரதான குருக்கள் ஸ்ரீ சந்திரானந்த குருக்கள் தலைமையில் தைபொங்கல் விசேட சமய வழிபாடுகள் நடைபெற்றன.
விசேட பூஜை வழிபாடுகளில் ஆலய பரிபாலன சபையினர் உட்பட பொது மக்களும் ஈடுபட்டிருந்தனர்.
மேலும், மலையகத்தில் பல ஆலயங்களில் விசேட வழிபாடுகள் இடம்பெற்றமை குறிப்பிடத்தக்கது.
